Pak orë para fillimit të finales së Conferencë League (28/5, ora 21:00) mes Betis dhe Chelsea, rrugët në qytetin e Wroclaw janë shndërruar në… një fushë beteje.
Pas përleshjeve të ashpra të mbrëmjes së të martës (27/5), tifozët e të dy ekipeve krijuan incidente të reja. Sipas raportimeve në mediat ndërkombëtare, si dhe videove që qarkullojnë në rrjetet sociale, ka përleshje, rrahje dhe sherre.
Policia polake tha se po përpiqej të gjurmonte tifozët e përfshirë në një incident dhe arrestoi një spanjoll pas një përleshjeje të martën në mbrëmje (27/5).
