Bashkimi Demokratik për Integrim ka shpërndarë videon e kryetares së qytetit të Shkupit, Danella Arsovska e cila përmes FB të saj u kyq LIVE nga vendi ku po ndërtohet një ndërtesë pa leje në komunën e Çairit. Për këtë skandal në Çair, nga BDI thonë se përgjegjës për këtë është kryetari i Çairit, Visar Ganiu, shkruan Top24
Kryetarja e Shkupit ekspozoi një të vërtetë të hidhur – Çairi po mbytet në ndërtime pa leje, dhe fajtori është i qartë: Kryetari i Çairit dhe klika e tij!
Ajo që panë të gjithë sot nuk është lajm , është përditshmëria e dhimbshme e banorëve të Çairit:
Kulla pa leje, pa standarde, pa parkingje, pa planifikim urban.
Mbi kokat e njerëzve, në hapësirat publike, përballë shkollave e spitaleve ndërtim mbi ndërtim, vetëm për interesa të ngushta dhe korruptive.
Kryetari i Çairit nuk është vetëm i paaftë – ai është bashkëpunëtor aktiv në këtë krim urbanistik që ua ka bërë jetën të pamundur mijëra familjeve!
Kaos në trafik.
Lagje të bllokuara.
Hapësira të gjelbra të zhdukura.
Jetë pa cilësi, pa qetësi, pa dinjitet.
