Studentja e Fakultetit Filozofik dhe aktivistja civile Blandy Hodai, përmes një postimi në Facebook, reagon për adresimin e studentëve të ministres së Arsimit Vesna Janevska në pllajën përballë UKIM-së, ku sot po mbahet një orë e përbashkët e organizuar e studentëve për të nderuar viktimat që humbën jetën në ngjarjen fatkeqe në diskotekën e Koçanit.
“Faleminderit për vullnetin tuaj të mirë, por për të nderuar viktimat, ministre Janevska, më së miri do të ishte të heshtni, atje, në mesin e mijëra studentëve, të paktën do të na kishit kursyer nga plaçkat dhe fjalimet boshe, nga përpjekjet për të ndotur zemërimin e të rinjve duke recituar një poezi të Aco Shopov”, shkruan Hodai.
Hodai thotë se studentët nuk kanë nevojë për fjalë, por kërkojnë përgjegjësi dhe drejtësi .
“Ne nuk kemi nevojë për fjalë, sepse nuk ka fjalë për këtë, ne kërkojmë një shtet që nuk është i improvizuar, që nuk po na shembet e nuk po na vret.
Derisa të shohim veprime konkrete jo vetëm në kuadër të kësaj tragjedie, drejtësia do të mbetet vetëm një fjalë në fjalimet tuaja boshe”, thekson Hodai.
