Sipas njoftimeve të fundit, filmi i animuar kinez “Ne Zha 2” do të shfaqet në Evropë.
“Hollywood Reporter” bën të ditur se kompania shpërndarëse panevropiane “Trinity CineAsia” me seli të përgjithshme në Britani ka marrë të drejtën për shfaqjen në kinema të filmit në 37 vende dhe rajone evropiane, duke përfshirë Britaninë, Francën, Gjermaninë, Spanjën etj. Filmi është planifikuar të shfaqet në Britani dhe Irlandë më 21 mars, ndërsa shfaqjet paraprake do të fillojnë që më 14 mars. Datat e shfaqjes së filmit për vende dhe rajone të tjera do të publikohen së shpejti.
“Ne Zha 2” ka fituar mbi 2.06 miliardë dollarë të ardhura nga biletat e kinemave, duke përfshirë parashitjet dhe të ardhurat jashtë vendit. Filmi tashmë ka hyrë në disa tregje të huaja, duke përfshirë Amerikën e Veriut, Australinë, Zelandën e Re dhe Singaporin, ku ka fituar 25.84 milionë dollarë.
Tani “Ne Zha 2” është filmi i animuar me të ardhurat më të larta nga shitja e biletave në histori dhe renditet në vendin e gjashtë për të ardhurat më të larta të filmave në botë, ndërsa pritet të renditet në vendin e 5-të këtë javë.
