Kreu i qarkut (komunës) Deurne në Antwerp të Belgjikës, Tjerk Sekeris në “Daily Click” në TV21 tha se në vit menaxhojnë me buxhet prej 15 milionë eurove. Për të bërë një paralele, ky rajon ka rreth 81.000 banorë, pak më pak se komuna e Tetovës, që ka 84.770 banorë.
“Marrim buxhet nga qyteti i Antwerp, qyteti i Antwerp është përgjegjës për gjithçka që ka të bëjë me sigurinë, brigadat e zjarrfikësve dhe shërbimin në shëndetësi. Por ne bëjmë ngjarjet lokale të kulturës, rrugët lokale dhe organizimin e të rinjve. Jemi përgjegjës për 300 rrugë”, tha Sekeris, duke shtuar se gjithashtu merren me planifikimin hapësinor dhe gjelbërimin.
