Kryeministri i Mbretërisë së Bashkuar, Keir Starmer, foli me presidentin Volodymyr Zelensky këtë mëngjes, duke diskutuar për mbështetjen e vendit për Ukrainën “për aq kohë sa të jetë e nevojshme”.
Starmer gjithashtu “përsëriti angazhimin e Mbretërisë së Bashkuar që Ukraina të jetë në një rrugë të pakthyeshme drejt NATO-s, siç u ra dakord nga aleatët në Samitin e Uashingtonit vitin e kaluar”, tha një zëdhënëse .
Me fjalët e tij, Starmer u bën jehonë atyre për të cilat anëtarët e NATO-s ranë dakord vitin e kaluar në korrik, kur ata premtuan mbështetjen e tyre për një “rrugë të pakthyeshme” drejt anëtarësimit të ardhshëm të Ukrainës. Nuk u ra dakord për një afat kohor zyrtar për anëtarësimin e saj në aleancën ushtarake.
Komentet e kryeministrit vijnë një ditë pasi Sekretari i Mbrojtjes i ShBA-së, Pete Hegseth, hodhi poshtë idenë e bashkimit të Ukrainës me NATO-n kur bisedoi me liderët në Bruksel në fillim të javë, shkruan BBC.
