“Corriere dello Sport” ka shkruar të enjten se Edon Zhegrova ende mbetet futbollist i pëlqyer nga Napoli.
Mediumi italian ka shkruar se përveç sulmuesit të Kosovës që aktivizohet te Lille i Francës, synim mbesin edhe Gabri Veiga dhe Allan Saint-Maxim. Zhegrova aktualisht është i lënduar dhe nuk pritet të kthehet në fushën e gjelbër deri në mesin e muajit mars.
Por, “Corriere dello Sport” ka raportuar se janë dy lojtarë tjerë që janë në listën primare të skuadrës napolitane.
Napoli do të përfitojë 150 milionë euro nga shitja e Khvicha Kvaratskhelias dhe Victor Osimhenit sipas gazetës italiane, dhe me paratë e arkëtuara nga shitja e dy sulmuesve, Napoli synon që t’i transferojë Joshua Zirkzeen dhe Georgiy Sudakovin.
Napolitanët tashmë e kanë transferuar Noah Okaforin në formë huazimi në afatin kalimtar dimëror, ndërsa drejtori Giovanni Manna, ka njoftuar se skuadra do të bëj përforcime të tjera në verë.
