Ministri i shëndetësisë, Arben Taravari ka kujtuar 557 vjetorin e vdekjes së heroit tonë kombëtarë Gjergj Kastrioti Skenderbeu për të cilin shënon se nderohet kudo në botë nga Bronksi i Nju Jorkut ku ka një rrugë me emrin e tij e deri në kryeqëndra evropiane, Australinë e largët e padyshim Tiranë, Prishtinë dhe Shkup. Poashtu Taravari thekson se sot shënohet edhe 43 vjetori i rënies për liri të Kadri Zekës, Jusuf e Bardhosh Gërvallës, shkruan Top24
Sot shënohet vdekja e heroit tonë kombëtar Gjergj Kastriot Skëndërbeu i cili nderohet ngado në botë. Nga Bronksi i Nju Jorkut ku ka një rrugë me emrin e tij e deri në kryeqëndra evropiane, Australinë e largët e padyshim Tiranë, Prishtinë dhe Shkup ai njihet dhe nderohet si Heroi Shqiptar që dhà shumë për Evropën!
Duke marrë lavdi e përjetësi me veprën e tyre 43 vjet më parë falën jetën për kombin edhe heronjtë Jusuf Gërvalla, Bardhosh Gërvalla dhe Kadri Zeka!
Të gjithë ata janë Krenari Shqiptare!
