Drejtoria për Siguri dhe Informacione të Klasifikuara është institucioni që e udhëheq procesin dhe lëshon certifikatën dhe unë personalisht nuk kam marrë pjesë në procesin e verifikimit në asnjë fazë, thotë drejtori i Agjencisë për Siguri Kombëtare, Bojan Hristovski, i cili së fundi ka marrë një certifikatë të NATO-s, edhe pse ia kundërshtuan certifikatën e gjuhës angleze, si dhe diplomën e tij nga Fakulteti Ekonomik në Universitetin e Shkupit.
“Për të gjitha procedurat që lidhen me certifikatat e sigurisë së NATO-s, si për mua ashtu edhe për të gjithë personat e tjerë, institucioni kompetent është Drejtoria e Sigurisë së Informacionit të Klasifikuar si institucioni që menaxhon procesin dhe lëshon certifikatën. Ju informoj se unë personalisht nuk kam marrë pjesë në asnjë fazë të procesit të verifikimit. Gjithashtu vërej se NATO ka marrë një opinion pozitiv për certifikatën që më është lëshuar nga institucioni i lartpërmendur. Ky është një fakt që mund të vërtetohet”, tha Hristovski për “Sloboden Peçat”.
