VIDEO | Për herë të parë në botë! Shkencëtarët pohojnë se dy njerëz kanë komunikuar me sukses në ëndrrat e tyre

Kompania “REMSpace” pretendon se ka arritur “dimensione të reja komunikimi” mes dy personave të fjetur, duke dërguar mesazhe teksa ata ishin në gjendje gjumi të kthjellët.

Këto mesazhe nuk u dërguan përmes ajrit, por përmes një pajisjeje të veçantë të projektuar nga kompania dhe ngjitur në kokën e secilit pjesëmarrës – duke lehtësuar “shkëmbimin e parë të bisedës” në ëndrra.

Meqenëse ata nuk e kanë publikuar ende hulumtimin e tyre të fundit, ju do të duhet të pranoni fjalën e kompanisë për të.

“Dje, komunikimi i ëndrrave dukej si fantashkencë. Nesër do të jetë aq e zakonshme sa nuk do të mund ta imagjinojmë jetën tonë pa këtë teknologji”, tha drejtori i kompanisë, Michael Raduga.

Hulumtimi përfshiu dy pjesëmarrës që flinin në shtëpitë e tyre ndërsa pajisjet e tyre, të lidhura me një server nëpërmjet Wi-Fi, mblodhën të dhëna polisomnografike, të cilat përfshinin monitorimin e valëve të trurit të tyre dhe rrahjeve të zemrës. Nëpërmjet kufjeve të pjesëmarrësve, shkencëtarët transmetuan një fjalë nga njëri te tjetri pjesëmarrës, të krijuar përmes një gjuhe të veçantë mes tyre.

“Serveri ynë zbuloi përgjigjen e personit të parë dhe konfirmoi se ishte e saktë. Dhe kur personi tjetër ishte në një ëndërr të kthjellët, ne i dërguam përgjigjen e tij dhe ajo gjithashtu e përsëriti atë”, tha Raduga.

“Kur flisni këtë gjuhë në ëndrrat tuaja, ne mund t’ju dëgjojmë dhe mund të lidhim dy ëndërrimtarë,” shtoi ai.