Rafael Leao po rrezikon të tashmen, por edhe të ardhmen e tij te Milani. Sulmuesi portugez ishte në stol në tri nga 9 ndeshjet e luajtura nga “Djalli”. Një sinjal domethënës i dërguar nga trajneri Fonseca, i cili efektivisht e ka vendosur numrin 10 kuqezi në një udhëkryq të karrierës.
“Leao, – lexojmë në ‘Gazzetta dello Sport’, – provoi pankinën edhe kundër Napolit, duke marrë përsipër dhe bërë gjëra të mira në pjesën e dytë. Ky është pikërisht reagimi që i duhet lojtarit të lindur më 1999, i cili shpreson të rikthehet në formacionin startues ndeshjen e radhës në Monza.
Në fakt, të qenit në stol nuk mund të jetë normale për dikë si Leao, i cili do të duhet të marrë sërish në duart e tij Milanin dhe të kthehet në gjendjen më të mirë të mundshme. Prandaj, muajt e ardhshëm do të jenë vendimtarë për portugezin, i cili mbetet gjithmonë në qendër të projektit të kuqezinjve.
Këtë e thonë 7 milionët e marra në sezon si pagë nga sulmuesi luzitan dhe klauzola prej 175 milionë eurosh, e cila efektivisht mbron Milanin nga “sulmet” e klubeve të tjera. Para së gjithash nga Barcelona, e cila nuk e ka “përçmuar” kurrë Leaon. Megjithatë, “Djalli” nuk e mendon të ardhmen pa Leaon, i cili duhet të gjejë vazhdimësi, për ta demonstruar përsëri potencialin e tij të plotë”.
