Agjencia e Ushqimit dhe Veterinarisë e ka mbyllur sot një biznes që merret me përpunimin e nënprodukteve të kafshëve të therura, pasi i njëjti po operonte ilegalisht dhe pa licencë, përcjell Gazeta Express.
Në njoftimin e AUV-it thuhet se përveç mungesës së dokumentacionit, hapësirat nuk posedonin kushtet teknike sanitare, minimale për të ushtruar veprimtarinë.
Tutje në njoftim bëhet e ditur se sasia e produkteve të ndaluar- larguara është rreth 500 kg.
“Çdo operatorë ekonomik i cili nuk përmbush kriteret ligjore për të ushtruar llojin dhe natyrën e veprimtarisë ekonomike. Përveç se bie ndesh me ligjin ai njëkohësisht mund ta rrezikojë shëndetin publikë. Menjëherë pas masave ekzekutive të mbylljes, Do të përballet edhe me masat vijuese të ndjekjes përmes organeve të drejtësisë. AUV falënderon raportuesin dhe bënë thirrje edhe për të tjerët qe të raportojnë kurdo qe shohin veprime qe rrezikojnë shëndetin publikë dhe ambientin. Rasti i është trajtuar nga Inspektorët veterinarë zyra regjionale e AUV-së Prizren, sasi e produkteve të ndaluar- larguara është rreth 500 kg”, thuhet tutje në njoftim.
