Koordinatori grupit të këshilltarëve të BDI-së në komunëne Tetovës, Liridon Disha përmes një postimi ka kujtuar disa nga premtimet megallomane të kryetarit të komunës së Tetovës Bilall Kasami ku thekson se pas tre vite qeverisje Kasami 3 vite MIZORE për Tetovën, shkruan Top24
Sa herë që afrohet Tetori më kujtohen premtimet e Bilallit në fushatë.
Do ta bëjmë Tetovën Dubai me qendër me parkingje nëntokësore, 3 parkingje në kate, me fabrikë për reciklim të mbeturinave, me rrjet modern të ujësjellësit, me 4 shkolla të reja, me Stadium të ri, me pishinë olimpike, me teleferik të ri për Kodrën e Diellit etj etj etj…
Kaluan 3 vite MIZORE për Tetovën dhe sot rezultati është ky:
Faktura 300% më të larta për mbeturinat. Faktura 250% më të larta për taksën komunale. Mungesë e ujit të pijshëm. Qentë endacakë kanë vërshuar Tetovën. Shkollat Fillore e të Mesme skajshmërisht të politizuara e të demoluara. Korrupsion në dhënien e lejeve të ndërtimit. Tetova me stadium të prishur.
Qindra kontrata në vepër për militant partiakë. Zero transparencë, zero llogaridhënie. Ndërmarrje Publike Komunale në borxhe. Shkolla të Mesme në borxhe marramendëse.
