Nga LSDM kanë reaguar ndaj ministrit të Transportit Aleksandar Nikollosski, i cili dje promovoi rrugën Gradsko-Drenovë. Nga LSDM thonë se VMRO-ja të njëjtin projekt e kritikonte në maj të këtij viti.
“Alexander Nikolloski është një tjetër politikan që është Chuck Norris i ri në qeverinë e Mickoskit. Aleksandar Nikolloski gjatë fushatës zgjedhore kritikoi ashpër se rruga Gradsko-Drenovë nuk shkon askund, që sot të publikojë fotografi se është pothuajse e përfunduar”, thuhet mes tjerash në reagimin e LSDM-së, ku është bashkëngjitur video e promovimit të kësaj rruge nga Venko Filipçe dhe Bllagoj Boçvarski, dhe video me kritika nga opozita e atëhershme VMRO-DPMNE.
