United mposhti 2-1 Chelsean në “Old Trafford”, në një sfidë të hapur dhe të mbushur plot raste. Skocezi Scott McTominay ishte heroi i vendasve me dy golat e tij.
Ndërkohë që Cole Palmer barazoi përkohësisht rezultatin në fundin e pjesës së parë. Sfida u mbyll me shtyllën e Armando Brojës, i cili nuk pati fat në goditjen me kokë në minutat shtesë.
Bie Manchester City në “Villa Park”. Kampionët e Anglisë u thyen 1-0 nga Aston Villa, që siguroi tri pikë fantastike falë golit të Leon Bailey në minutën e 74’.
Skuadra e Unai Emery po kalon një formë të shkëlqyer, teksa sot regjistroi fitoren e 14-të radhazi në shtëpi.
Golat e Virgil Van Dijk, i pari për të për këtë sezon, dhe Dominik Szoboszlai i dhuruan Liverpoolit fitoren 0-2 në fushën e Sheffield United.
Sukses ky që ngjit skuadrën e Jurgen Klopp në vendin e dytë me 34 pikë. Dy më pak se Arsenali kryesues.
Feston edhe Brightoni pas triumfit 2-1 me përmbysje përballë Brentfordit.
“Manita” e pastër 5-0 e Fulhamit kundër Nottingham Forest, ndërkohë që Bournemouth siguroi tri pikë të arta në transfertën në Crystal Palace (0-2).
Premier League
Java e 15-të
MANCHESTER UNITED-CHELSEA 2-1 ( McTominay 19′, 69′ / Palmer 45′)
90+1′ Gjuan Armando Broja me kokë, shtylla i mohon golin sulmuesit shqiptar.
80′ Tjetër shans i artë për Garnachon, devijimi kalon ngjitur me shtyllën pingule.
72′ United afër golit të tretë, shprdoron danezi Rasmus Hojlund.
69′ Goooooooooooool! 2-1 për United. Sërish skocezi Scott McTominay autori i golit për vendasit.
61′ Provon braziliani Antony, topi devijohet në këndore.
55′ Garnacho dhuron spektakël në krah dhe i afrohet një eurogoli.
45′ Goooooooooool! Ekzekutim i zgjuar nga ana e Cole Palmer, i cili rikthen paraspeshën në “Old Trafford”.
36′ Tjetër shans i artë për Chelsean, por Mykhailo Mudryk tregon egoist dhe gjuan keq.
33′ Raheem Sterling nis Nicolas Jackson, por sulmuesi afrikan nuk arrin të mposhtë Andre Onanan.
32′ Scott McTominay nuk u beson syve, teksa portieri i Chelseat i mohon golin e dytë personal.
19′ Goooooooool! United kalon në avantazh falë golit të skocezit Scott McTominay.
19′ Vendasit pranë golit, Thiago Silva eviton rrezikun.
13′ Mundësi e shkëlqyer për Alejandro Garnachon, por 19-vjeçari bllokohet nga Robert Sanchez.
12′ Gafë e Sofyan Amrabat, ukrainasi Mykhailo Mudryk ndalet nga shtylla.
9′ Gjuan Bruno Fernandes, pret portieri Robert Sanchez. Rezultati mbetet 0-0.
ASTON VILLA-MANCHESTER CITY 1-0 (Bailey 74′)
SHEFFIELD UTD-LIVERPOOL 0-2 (Van Dijk 37′, Szoboszlai 90+4′ )
BRIGHTON-BRENTFORD 2-1 (Gross 31′, Jack Hinshelwood / Mbeumo (pen) 27′)
