Më 30 tetor në Institutin Francez në Shkup do të mbahet panairi tradicional për studime në Francë. Veprimtaria do të jetë e hapur për vizitorët në orën 11:00 dhe do të fillojë zyrtarisht në orën 12:00. Fjalë përshëndetëse do të kenë ministri i Arsimit dhe Shkencës, Jeton Shaqiri, Cyril Baumgartner, i cili është ambasador i Francës dhe Marko Gjorgievski, drejtor i Agjencisë Kombëtare për Programe Arsimore Evropiane dhe Mobilitet – Erasmus+.
Në panair do të takohen nxënës të shkollave të mesme të Maqedonisë, studentë, profesorë universitarë, të cilët dëshirojnë të vazhdojnë arsimin e lartë në Francë, apo të arrijnë bashkëpunim universitar.
Gjatë aktivitetit, informacionet e nevojshme për programet e studimit zbulohen drejtpërdrejt nga përfaqësuesit e universiteteve franceze të pranishëm në panair, si dhe informacione për të gjitha aspektet e jetës studentore në Francë.
Ngjarja organizohet nga Instituti Francez në Shkup dhe agjencia franceze për arsim të lartë “Campus France”.Top24
