David Silva ka njoftuar tërheqjen e tij nga futbolli profesionist, pas një karriere 20-vjeçare. Ai e ka bërë këtë me një video emocionuese, në të cilën ka rishikuar karrierën me pantallona të shkurtra dhe e ka mbyllur me një “faleminderit futboll”.
Atij i është dashur të thotë mjaft në moshën 37-vjeçare, pas këputjes së rëndë të ligamentit të kryqëzuar të përparmë. Megjithatë, karriera e “magjistarit” nga Arguineguin ka qenë një nga më të suksesshmet dhe më të kompletuarat në historinë e futbollit.
Talenti, vizioni i lojës dhe goli janë disa nga virtytet e shumta me të cilat na ka gëzuar djaloshi kanarinas gjatë gjithë këtyre sezoneve, një lojtar unik që nuk dështoi kurrë në sfidat e mëdha.
Në kujtimin e më nostalgjikëve na vjen ndërmend ai goli me kokë kundër Italisë në finalen e “Euro 2012”, i pari i fitores që do të mbërrinte në fund. Ndoshta loja e fundit perfekte e atij brezi që i dha kaq shumë gëzim një vendi të tërë si Spanja, i cili në atë kohë ishte i bashkuar, edhe falë tij.
Një vitrinë ari…
1 Kupë Bote
2 Kampionate Europiane
4 Premier League
2 Kupa Mbreti
5 Kupa të Ligës
2 “FA Cup”
3 “Community Shield”
Po të shtohen edhe 124 golat dhe 154 asistet në 784 ndeshje të “magjistarit” kanarian, përveç respektit dhe admirimit të botës së futbollit, duket qartë një karrierë thuajse perfekte, së cilës i mungon vetëm Champions League. Eibar, Celta, Valencia, Manchester City dhe Real Sociedad ishin dëshmitarë të këtij futbollisti të mrekullueshëm.
David Silva do të hyjë në historinë e Real Sociedad si një nga futbollistët që fitoi Kupën e Mbretit më 2021, plot 34 vite pas herës së fundit. Real Sociedad njoftoi nënshkrimin e David Silvës më 17 gusht 2020, çka ishte një “bombë” e vërtetë, duke e rikthyer atë në La Liga, pas një dekade me Manchester City.
David Silva e bëri të qartë menjëherë se, pavarësisht 34 viteve të tij kur u kthye në La Liga, kishte ende shumë futboll në këmbë, mjaftueshëm për të ndihmuar në fitimin e ndeshjeve shumë të rëndësishme, si ajo në finalen e Kupës së Mbretit kundër Athletic Bilbaos, që do të thoshte se Real Sociedad fitoi një titull 34 vite më vonë.
