Prokuroria Publike e vlerëson si krejtësisht të pabazë dhe të panevojshëm iniciativën e Komisionit Shtetëror për Parandalimin e Korrupsionit lidhur me konfiskimin e pasurisë në rastin “Trust”.
“Edhe pse Prokuroria Publike do ta pranojë iniciativën si çdo peticion tjetër, është jashtëzakonisht e papërshtatshme që KSHPK të paraqesë iniciativa për ndjekje penale për rastet në të cilat prokuroria tashmë vepron”, thuhet në kumtesën e sotme të Prokurorisë Publike.
Nga Prokuroria Themelore Publike për ndjekjen e krimit të organizuar dhe korrupsionit rikujtojnë se ka është formuar lëndë në të cilin janë ngritur disa kallëzime penale dhe në kuadër të të cilit shqyrtohen veprimet e të gjitha institucioneve në konfiskimin e pasurisë së “Transmet”.
Në kuadër të atij rasti është siguruar i gjithë dokumentacioni, provat verbale dhe materiale dhe prokurori publik kompetent është në pritje të vendimit të prokurorit publik.
Si një aspekt nga rasti, theksojmë se prokurori publik kompetent, konform të gjitha provave të siguruara dhe kontrolleve të bëra, tashmë ka kuptuar se nuk është bërë asnjë lëshim në procedurën e prokurorit publik në rastin “Trust”. Andaj, me seancën publike të Komisionit Shtetëror për Parandalimin e Korrupsionit tashmë i janë shkaktuar dëme të panevojshme edhe Prokurorisë Publike si institucion dhe prokurorëve publikë që kanë vepruar në këtë rast,.
“Nga prezantimi në seancën e Komisionit Shtetëror për Parandalimin e Korrupsionit, nga ana tjetër, është e qartë se Komisioni gjatë analizimit të lëndës nuk ka pasur prova të shumta apo pasqyrë të gjendjes së plotë faktike, të cilat prokurori publik do t’i sqarojë në detaje me rastin e marrjes së vendimit dhe do t’i mbështesë me materiale të përshtatshme. Konkluzionet e Komisionit për pronën e “Transmet” nuk marrin fare parasysh vendimet tashmë të formës së prerë të Gjykatës së Apelit, me të cilat marrëveshjet për transferimin e pronës nga “Transmet” në “Pucko Petrol” shpallen të pavlefshme, siç parashikohet në nenin 202 të Ligjit për Procedurën penale dhe me të cilën prona e Sead Koçanit është regjistruar përgjithmonë në pronësi të shtetit”, thuhet në njoftimin e Prokurorisë.
Nëse qëllimi përfundimtar nuk është përpjekja për të ndikuar në rezultatin e procedurës së zhvilluar nga Prokuroria Themelore Publike për ndjekjen e krimit të organizuar dhe korrupsionit dhe për ta kompromentuar atë me vetëdije, është e pakuptueshme dhe jashtëzakonisht e papërgjegjshme, siç thuhet në njoftim, Komisioni të paraqesë iniciativë për ndjekje penale në këtë fazë të procedurës dhe në bazë të fakteve të verifikuara jo të plota, të cilat nuk korrespondojnë me provat e parashikuara në çështje.
“Është veçanërisht e papërgjegjshme nga një institucion si KSHPK-ja, bazuar në fakte të tilla të përpunuara jo të plota dhe të pasakta, të shkojë përtej kompetencave të saj dhe të paraqesë “modele” të gjoja veprimit të organizuar, sepse kjo është kompetencë e vetme e autoriteteve hetimore dhe gjyqësore në vend”, thuhet në kumtesë.
Nga Prokuroria Publike i bëjnë apel KSHPK-së që t’u përmbahet kompetencave ligjore dhe të mos dëmtojë procedurat në vazhdim. Prokuroria Publike, si organi i vetëm përgjegjës për ndjekjen penale, nuk do të lejojë dhe do të kundërshtojë fuqishëm çdo përpjekje për të ndikuar në procedurë.
“Edhe krahas të gjitha përpjekjeve të Prokurorisë Publike për të arritur një bashkëpunim korrekt me KSHPK-në dhe për ta përfshirë atë në aktivitetet për luftimin e korrupsionit, anëtarët e këtij organi, në vend që të drejtojnë energjinë drejt përgjegjësive të tyre, vazhdimisht përballen me institucione të tjera, duke shkaktuar dëme të mëdha në përpjekjet për t’u përballur me korrupsionin”, thuhet në kumtesë.
Për shkak të mosrespektimit së plotë të Memorandumit të nënshkruar të bashkëpunimit dhe veçanërisht shkeljes së neneve 2, 3 dhe 6, Prokuroria Publike ngrin të gjitha aktivitetet e parapara të cilat dalin nga ai memorandum.
