Një aksident i rëndë është shënuar pasditen e sotme në aksin rrugor Elbasan-Peqin. Mësohet se ngjarja ka ndodhur në afërsi të fshatit Bishqem.
Dy automjete janë përplasur me njëra tjetrën. Nga përplasja fatale, jetën e humbi një vajzë e moshës 8 vjeçare.
Vajza 8 vjeçe ndodhej në makinën tip ‘Golf’, me targa të Gostivarit, ndërkohë që makina tjetër është me targa shqiptare, raporton Top24.
Të plagosur kanë mbetur edhe 6 persona të tjerë. Nuk dihen ende shkaqet e aksidentit që solli vdekjen e të miturës.
Policia pritet të dalë me një njoftim zyrtar për të dhënë detaje nga vendi i ngjarjes.
