Aktori amerikan Sylvester Stallone është përfshirë në një reality show të quajtur Familja Stallone, i cili fillon të transmetohet të enjten në platformën Paramount+.
Shfaqja duket të jetë e ngjashme me atë që bëri të famshme familjen Kardashian, që do të thotë se aktori legjendar ka lejuar vendosjen e kamerave në shtëpinë e tij në mënyrë që shikuesit të ndjekin rutinën e përditshme dhe të gjitha ngjarjet e familjes Stallone.
Siç raporton noa.al duke cituar britaniken The Sun, 76-vjeçari Stallone e kalon pjesën më të madhe të kohës në emision me vajzat e tij Sofia (26), Sistine (24) dhe Scarlett (20), të cilave vazhdimisht u jep mësime për jetën e dashurisë, d.m.th. përpiqet t’i mbajë sa më larg burrave dhe u jep stërvitje ushtarake, mësime për pirjen e duhanit dhe këshilla të ndryshme për jetën.
Në fakt, fokusi i emisionit nuk është vetëm Silvester, por edhe vajzat e tij, të cilat prezantohen secila në mënyrën e vet.
Sofia paraqitet si “zemra” e familjes, Sistine është “ajo që i pëlqen të rrezikojë”, Scarlett është “ajo që vjedh vëmendjen”.
Po kështu gruaja e Stallone, Jennifer, me të cilën ai është i martuar prej 26 vitesh, është pjesë e spektaklit dhe në familje e quajnë “mbretëresha”.
Shfaqja të kujton vërtet në mënyrë të parezistueshme Kardashians, si në aspektin e prodhimit ashtu edhe në atë narrativ.
Janë të pranishme situata të ndryshme jetësore, nga dreka familjare, takimet e biznesit, qëndrimi i Stallone me kolegët Al Pacino dhe Dolph Lundgren, ndiqet jeta private dhe dashuria e vajzave të tij, si dhe ka plot skena komike në të cilat Sly drekon me një qen në prehër ose kreh një mace në oborr.
Është e qartë se theksohen disa situata dramatike, si ato në të cilat Sly përpiqet të kontrollojë jetën e dashurisë së vajzave të tij të rritura dhe vazhdimisht ndërhyn në jetën e tyre, duke u përpjekur t’i mbajë sa më shumë në shtëpinë e tij.
Në trailerin e emisionit, mund të shihni disa nga ato detaje, si shoqërimi i Stallone me kolegët dhe miqtë dhe marrëdhëniet me vajzat e tij të dashura.
