Presidenti amerikan Joe Biden ka konfirmuar se do të kandidojë për rizgjedhje në vitin 2024. Njoftimi është bërë në një video promovuese.
Fushata e Joe Biden për rizgjedhje ka nisur zyrtarisht – në formën e një videoje tre minutëshe që fillon me një fjalë të vetme: Liri.
I transmetuar nga vetë presidenti i 46-të i SHBA-së, Biden argumenton se të drejtat e abortit, mbrojtja e demokracisë, të drejtat e votës dhe rrjeti i sigurisë sociale do të jenë ndër çështjet më të rëndësishme në fletën e votimit në vitin 2024.
Ai paraqet sloganin e tij të vitit 2024: “Ta përfundojmë punën”.
