Njësi të MPB-së pas ndërmarrjes së të gjitha masave dhe kontrolleve të domosdoshme, kanë konfirmuar se janë të rreme kërcënimet e dërguara përmes postës elektronike për mjet të vendosur shpërthyes në Aeroportin ndërkombëtar Shkup.
Nga TAV Maqedoni informuan se në Aeroportin ndërkombëtar Shkup sot kanë marrë kërcënim përmes postës elektronike për mjet të vendosur shpërthyes dhe rastin menjëherë e kanë paraqitur në Ministrinë e Punëve të Brendshme.
