Krenar Lloga takim me Gillian Stirk, Shefe e misionit për të vëzhguar zgjedhjet e ardhshme të OSBE-Zyrës për Institucionet Demokratike dhe të Drejtat e Njeriut (ODIHR)
Ministër i Drejtësisë poashtu Sekretar Gjeneral – Aleanca për Shqiptarët Krenar Lloga gjatë ditës së sotshme zhvilloi takim me me Gillian Stirk, Shefe e misionit për të vëzhguar zgjedhjet e ardhshme të OSBE-Zyrës për Institucionet Demokratike dhe të Drejtat e Njeriut (ODIHR).
Lloga në rrjetet sociale shkruan mbi diskutimet e takimit të sotshëm ku ndër të tjerash potencon që e ka informuar ambasadoren Strik për aktivitetet e ndërmarra nga Ministria e Drejtësisë në periudhën e kaluar për të mundësuar një proces të drejtë zgjedhor. Bëhet fjalë për ndryshimet në Kodin Zgjedhor, në të cilin janë inkorporuar një pjesë e madhe e rekomandimeve të OSBE/ODIHR, si dhe mbrojtjen që e jep Kodi Penal, i cili përmban një kapitull të veçantë të dispozitave me të cilat kriminalizohen veprat kundër zgjedhjeve dhe votimit.
