“Video seksi” dhe “erotizëm”? Majko sqaron fjalën e tij në Asamblenë e mbyllur të PS: Kërkova që disa njerëz të largohen nga politika

Ish-kryeministri socialist Pandeli Majko ka reaguar pas raportimeve në media për deklaratat e tij gjatë mbledhjes me dyer të mbyllura të Asamblesë Kombëtare të Partisë Socialiste, duke mohuar se ka folur për video erotike apo marrëdhënie intime të kolegëve të tij.

Reagimi i Pandeli Majkos:

“NDJESE E DETYRUAR”…

Po ndjek me humor “daullet” e mediave sipas të cilave në mbledhjen e fundit të asamblesë së PSSH jam “shqetësuar” për erotizmin  dhe ndershmërinë e kolegëve të mij socialistë!

Në fakt, në fjalën time në asamblenë kombëtare kam folur PËR KONTAKTET E PAPERSHTATSHME DHE DISKRETITUESE ME KRIMIN E ORGANIZUAR! Në mbledhje kërkova që këta njerëz DUHET TË LARGOHEN NGA POLITIKA!

Në fjalën time përmenda veç një informacion publik për video të sekuestruara nga SPAK! Asnjë fjalë për “erotizmin” apo “videot e seksit”!

I vetmi gazetar që më pyeti për të konfirmuar deklarimet e mija ishte Muhamed Veliu! https://top-channel.tv/2026/11/15/bashkine-e-tiranes-rrezikojme-ta-humbim-na-duhet-kandidat-fitues-majko-paralajmeron-ne-asamble-i-pergjigjet-rama-skepticizmi-i-pandit-me-ka-motivuar46454654/

Fevziut i pëlqeu më shumë “varianti me seks!” 😂

Ky është ai momenti kur kupton se në vendin tonë për një person publik janë më të rënda “videot erotike” se sa KONTAKTET E PAPERSHTATSHME DHE DISKRETITUESE ME KRIMN E ORGANIZUAR!!!

Ndjesë për zhgënjimin!