Numri i rasteve të raportuara të dhunës në familje në Maqedoninë e Veriut është rritur për 70 për qind në dhjetë muajt e parë të vitit 2026. Sipas MPB-së, nga janari deri në tetor janë regjistruar 1.897 ngjarje, krahasuar me 1.125 në të njëjtën periudhë të vitit të kaluar. Për këto raste janë ngritur 1.450 kallëzime penale, ndërsa masa për ndjekje penale janë ndërmarrë ndaj 1.521 personave.
Statistikat pesëvjeçare tregojnë se janë regjistruar 5.537 vepra penale dhe 5.890 viktima. Gratë përbëjnë 79 për qind të viktimave, ndërsa 91 për qind e kryerësve janë burra. Mesatarisht, në këtë periudhë janë evidentuar tri vepra penale dhe të paktën tri viktima çdo ditë.
