Bisedimet trepalëshe midis Rusisë, Ukrainës dhe Shteteve të Bashkuara filluan të martën në Emiratet e Bashkuara Arabe, ndërsa Uashingtoni ndërmori një përpjekje të re për t’i dhënë fund luftës që pasoi pushtimin e plotë të fqinjit të saj nga Moska, pothuajse pesë vjet më parë.
Sesioni dyditor në kryeqytetin e Emirateve të Bashkuara Arabe, Abu Dhabi, është takimi i parë i këtij lloji që nga muaji shkurt. Ai do të përqendrohet në vendosjen e garancive të ardhshme të sigurisë për vendet ndërluftuese, njoftoi Shtëpia e Bardhë para fillimit të diskutimeve.
Rusia e sheh NATO-n si kërcënim, ndërsa Ukraina dëshiron të parandalojë pushtime të tjera ruse në të ardhmen.
