Problemet fizike vazhdojnë të shqetësojnë Interin e Cristian Chivut. Manuel Akanji është futbollisti i radhës zikaltër që detyrohet të ndërpresë grumbullimin me përfaqësuesen e tij, pasi ka ndier lodhje muskulore.
Mbrojtësi zviceran ka lënë grumbullimin e kombëtares dhe do të rikthehet në Milano, duke mos qenë në dispozicion për ndeshjen e së hënës kundër Skocisë në Nations League. Vendimi është marrë si masë parandaluese, ndërsa gjendja e tij nuk duket të jetë shqetësuese. Akanji do të vlerësohet nga stafi mjekësor i Interit pas kthimit në Itali.
Kështu, Chivu po përballet me një situatë jo të favorshme sa u përket lëndimeve. Fillimisht ishte Ange-Yoan Bonny, më pas Marcus Thuram, Aleksandar Stankovic dhe tani Manuel Akanji.
Interi shpreson që mbrojtësi zviceran të jetë në gjendje të rikthehet në dispozicion për ndeshjen e ardhshme ndaj Atalantës, më 22 nëntor.
