Luka Modric feston sot 41-vjetorin, por mosha duket se është thjesht një numër për mesfushorin kroat. Për të dytin vit radhazi, ai e feston ditëlindjen si futbollist i Milanit, skuadër që e ka për zemër dhe ku vazhdon të jetë një prej liderëve të padiskutueshëm.
Pavarësisht ndryshimit të trajnerit dhe stilit të lojës, Modric po përshtatet edhe me kërkesat e reja të Ruben Amorimit. Futbolli i teknikut portugez kërkon më shumë intensitet dhe shpenzim fizik, por kampioni kroat po dëshmon edhe një herë se është një shembull për t’u ndjekur.
Në dy ndeshjet e para të sezonit, Modric ka luajtur 179 minuta dhe ka fituar 66 për qind të dueleve në të gjithë fushën, statistika që tregojnë rëndësinë e tij edhe në këtë fazë të karrierës.
Amorim dhe presidenti Gerry Cardinale kanë këmbëngulur fort për ta mbajtur Modricin në skuadër pas përfundimit të sezonit të kaluar. Vazhdimi i bashkëpunimit dukej i vështirë, por kroati vendosi të qëndronte.
Modric vazhdon të ketë uri për trofe dhe synon ta mbyllë aventurën e tij me Milanin duke ngritur një tjetër kupë. Në moshën 41-vjeçare, ai nuk duket aspak i gatshëm të ndalet.
Një lider në fushë dhe një shembull për brezat e rinj, Modric vazhdon të sfidojë kohën dhe të dëshmojë se klasi i madh nuk njeh moshë.
