Bashkëkryetari i VLEN-it dhe kryetari i Çairit Izet Mexhiti ka zhvilluar takime të shumta gjatë qëndrimit në Nju Jork, e mes tyre është takuar edhe me mikun e tij të vjetër, Ylber Pilku.
“Në takim biseduam për ndryshimet pozitive pas ardhjes së VLEN-it në pushtet. Theksuam edhe ndryshimet pozitive që kanë ndodhur në Dibër me zgjedhjen e ktyetarit të ri Fisnik Mela.
Kryetari Mexhiti shprehu gatishmërinë e qeverisë për të afruar sa më shumë diasporën me vendlindjen si në sferën e ekonomisë, poashtu edhe në kulturë, arsim e sfera tjera. Kjo është për tu përshëndetur nga ne si mërgimtarë”, deklaroi Pilku duke njoftuar për temat e takimit.
Më shumë se zyrtarë, takimi i tyre ka qenë miqësor, sepse njohja është e kamotshme. Janë diskutuar shumë tema se si mund të rritet kontributi i mërgatës për vendlindjen, veçanërisht përmes investimeve ekonomike, shkruan portali Lideri.mk.
Mexhiti gjatë qëndrimit në Nju Jork ka marë pjesë edhe në Mbrëmjen Gala të Këshillit Shqiptaro Amerikan, ku kanë marë pjesë figur të rëndësishme shqiptare dhe amerikane.
