Ambasadori i Republikës së Shqipërisë, SH.T Denion Meidani sot ka pritur në takim profesoreshën Arta Toçi e cila më herët ka bartur edhe postin e zëvendësministres së punëve të jashtme të Maqedonisë së Veriut. Meidani dhe Toçi diskutuan për zhvillimet në rajon, sfidat e kohës sonë dhe rëndësinë e dialogut, dijes dhe institucioneve në ndërtimin e një shoqërie më të drejtë, më demokratike dhe më europiane, shkruan Top24
“Kënaqësi të takohem me Prof. Dr. Arta Toçin, profesoreshë universitare dhe ish-zëvendësministre e Punëve të Jashtme të Republikës së Maqedonisë së Veriut. 
Gjithmonë frymëzuese të shkëmbesh mendime me njerëz që kanë lënë gjurmë si në akademi, ashtu edhe në jetën publike. Biseduam për zhvillimet në rajon, sfidat e kohës sonë dhe rëndësinë e dialogut, dijes dhe institucioneve në ndërtimin e një shoqërie më të drejtë, më demokratike dhe më europiane.
Takime të tilla konfirmojnë se idetë më të vlefshme lindin aty ku përvoja, argumenti dhe përkushtimi ndaj së mirës së përbashkët bëhen bashkë” shkruan ambasadori Meidani.
