Kushtetuesja pritet të votojë për iniciativën që konteston ndryshimet paraprake të Kodit Zgjedhor

Gjykata Kushtetuese po mban seancë në të cilën duhet të votojë për iniciativën që konteston ndryshimet paraprake të Kodit Zgjedhor që kanë të bëjnë me kushtet për paraqitjen e listave të kandidatëve të pavarur për deputetë, si dhe për anëtarët e këshillave dhe kryetarët e komunave. Sipas dorëzuesve të iniciativës, pragu për paraqitjen e listave të pavarura qytetare është rritur në mënyrë drastike në 1% të trupit votues, gjë që sipas tyre shkakton një pozitë të pabarabartë të qytetarëve kur bashkohen në iniciativa për të paraqitur lista të pavarura për pjesëmarrje në zgjedhje. Thuhet se këto ndryshime kanë krijuar pabarazi të qytetarëve dhe diskriminim në favor të partive. Në seancën e sotme, do të diskutohet edhe për iniciativën që konteston vendimin e Qeverisë, me të cilin jepet miratim për themelimin e shkollës së mesme “Medreseja Isa Beu”, më 26 mars të vitit të kaluar. Sipas parashtruesit, themeluese e kësaj shkolle është Bashkësia Fetare Islame, ndërkaq më tej shton se, grupet religjioze apo bashkësitë fetare nuk lejohen të themelojnë shkolla, ku organizohet dhe mbahet mësim në formatin e gjimnazit, shkencave humane, gjuhësore, të artit apo matematiko natyrore. Në iniciativë, thuhet se Kushtetuta, bashkësitë fetare i lejon të themelojnë vetëm shkolla fetare.