Ivana Knoll ka zbuluar se ishte grabitur pasi mbërriti në Paris dhe se ka mbetur me pak gjëra për të veshur pasi i vodhën fustanet.
Modelja, e cila u bë yll në Kupën e Botës të vitit të kaluar, po përpiqet të mbetet optimiste pasi një nga valixhet e saj u vodhë, shkruan The Sun.
Jo shumë kohë pasi erdhi në Londër, Ivana është nisur për në një tjetër nga qytetet më të shquar të Evropës.
Foto: Ivana Knoll/Instagram
Por ajo u tha fansave në Instagram se, edhe një herë, kishte rënë viktimë e vjedhjes në kryeqytetin francez.
Influencuesja shkrepi një foto të valixhet e saj të vetme të mbetur dhe u bëri të ditur ndjekësve të saj se çfarë ndodhi me tjetrën.
Foto: Ivana Knoll/Instagram
“Sapo mbërrita dhe tashmë më vodhën valixhen më të vogël. Gjithmonë shumë e mirëpritur nga hajdutët në Paris”, tha modelja.
Më pas ajo regjistroi një video të saj për t’i dhënë fansave të shqetësuar më shumë detaje.
Foto: Splash
“Përshëndetje nga Parisi. Vetëm për t’ju njoftuar, jam mirë. Sapo më grabitën si zakonisht në Paris. Kur mbërrita herën e fundit më morën çantën dhe portofolin dhe tani më morën valixhen. Më kanë marrë të gjitha fustanet, nuk e di se çfarë do të vesh sonte”, shkroi kroatja.
Foto: Getty
30-vjeçarja ka kaluar pjesën më të madhe të vitit duke vizituar vende të ndryshme që kur u kthye nga mbështetja për Kroacinë në Katar.
