Pashk Ujka, ish-deputet i Partisë Demokristiane dhe ish-kryetar i Komunës së Velipojës është ekzekutuar me një pistoletë me silenciator mbrëmjen e të hënës në Shkodër. 64 vjeçari ishte pranë shtëpisë së tij në një lulishte të qytetit me bashkëshorten, duke ecur. Kjo ka thënë në polici se nuk ka dëgjuar gjë në momentin e ekzekutimit kur ka parë të shoqin që është rrëzuar në tokë.
Ekzekutimi ndodhi rreth orës 18:00 në lagjien “Vasil Shanto” në qendër të Shkodrës, kur Pashk Ujka është qëlluar me plumb pas shpine.
Kristian Klemendit dhe Marjan Kolës, të dyshuar për vrasjen e Pashko Ujkës u është komunikuar arrestimi ditën e sotme. Edhe pse ata kanë mohuar krimin, ka dyshime se ato janë të përfshirë në këtë vrasje.
Ndërkohë gazetari Artan Hoxha ka publikuar një video të lëvizjeve të fundit të dy të arrestuarve. Sipas Hoxhës ata kanë qenë me datë 28 dhe me datë 29 në Prishtinë. Aty kanë takuar babanë e Kristian Klemendit, Aleksandër Kelemendi. Ky i fundit është në kërkim dhe i fshihet policisë në Prishtinë.
Mes të tjerash Hoxha shtoi se është e rëndësishme të këqyren kamerat e sigurisë pasi dy të arrestuari rezulton që në Prishtinë ditën kur ka ndodhur vrasja, ata janë regjistruar në një poligon për të kryer qitje.
“I ka ndaluar të dy këta persona. Dhe masa e sigurisë do jepet. Në këto pamje paraqitet i ndaluari Kristian Kelmendi. Është ndaluar dhe akuzuar si autori. Ky është motivi. Ai në 28 nëntor një ditë para ngjarjes duke në Prishtinë në një qendër tregtare. Është ish qendra kulturore në Prishtinë. Kjo është video ku ai bën blerje. Pse ndodhet atje? Kjo është alibia që kanë dhënë të afërmit. Dhe këmbëngulin se nuk janë të përfshirë. Por ka disa video policia e Kosovës. Dhe lëvizjet që ka bërë Kelmendi. Në këtë moment ai është i shoqëruar me Marian Kolën dhe babanë e vet. Bëhet fjalë për orën 7 të darkës. Me datën 28. Aty është edhe babai Aleksandër Kelmendi.”
“Në videon tjetër është edhe Marian Kola. Shok i babait të Kristjanit. Në kontaktet më rezulton që ai ishte në Prishtinë bashkë me Kristjanin për të takuar babanë. Aleksandër ka pasur lidhje farefisnore me të ndjerin. Ndodhej se është në kërkim nga policia. Dhe për t’i shpëtuar arrestimit. Të dy të ndaluarit mendohet se kanë ndihmuar Kristjan Kelmendin për të kryer ngjarjen.” tha Hoxha.
