LajmeSport

Shqipëria kundër Ukrainës në ndeshjen e parë

Shqipëria do ta nis në udhëtim te Ukraina edicionin e katërt të Ligës së Kombeve.

Ndeshja mes Ukrainës dhe Shqipërisë do të zhvillohet më 7 shtator.

Shqipëria do të jetë pjesë e Grupit 1 të Ligës B, ndërsa në verë do të jetë pjesëmarrëse në Kampionatin Evropian që organizohet në Gjermani.

Në Grupin B1 janë edhe Republika e Çekisë dhe Gjeorgjia.

“Kuqezinjtë” zunë vendin e parë në Grupin E kualifikues të Evropianit me 15 pikë, aq sa kishte edhe Republika e Çekisë.

Në “Euro 2024” do të jetë në Grupin B me Italinë, Kroacinë dhe Spanjën.

Pas Evropianit, Shqipëria do të vazhdojë në Ligën e Kombeve.

Pas ndeshjes me Ukrainën, më 10 shtator, Shqipëria e pret Gjeorgjinë.

Në muajin tetor, futbollistët e drejtuar nga braziliani Sylvinho, do t’i kenë dy ndeshje në udhëtim, te Çekia më 11 tetor, dhe te Gjeorgjia tri ditë më pas.

Edicionin e katërt të Ligës së Kombeve, “kuqezinjtë” e mbyllin në shtëpi.

Më 16 nëntor përballen me çekët, ndërsa më 19 nëntor me ukrainasit.

Ndaj Çekisë, Shqipëria pati dy ndeshje kualifikuese për “Euro 2024”.

Në Çeki barazoi 1:1, ndërsa në Tiranë fitoi 3:0.

Image

Related Articles

Back to top button
Close
Close